Panaginip

PANAGINIP
ni Jessamie Verde

Ika’y aking panaginip
Sa tuwing ako’y naiidlip
Pangalan mo ang siyang sinasambit
Ng aking panaginip na di malirip...

Bakit nga ba ganito?,
Panaginip ko’y nakakalito
Hindi naman kita iniisip
Ngunit bakit ang nasa aking panaginip?

Sino ka ba talaga?
Mukha mo’y di ko makilala.
Ligaya at lungkot ang aking nararamdaman,
Sa tuwing ika’y aking mapanaginipan.

Ang panaginip ay gunu-guni lamang ng ating isipan,
na kung minsan tayo’y pinaglalaruan,
ng mga bagay-bagay na di natin maiintindihan.
Subalit ito’y makabuluhan sa buhay ng sangkatauhan.