Kapaligira'y Tuklasin
-Jeannie Rose Aventura
Masdan ang kapaligiran
Tuklasin ang kagandahan
Mga anyong lupa at tubig
Pati na rin mga halaman
Mga ibon sa kalawakan
Masayang naghahabulan
At sila'y nagkukulitan
Dama nila'y kalayaan
Iba't ibang mga bulaklak
Makikita mo sa hardin
Hatid sa iyo ay galak
At busilak na damdamin
Mga isda sa karagatan
Masayang nagkukuwetuhan
Sa tubig ay naghihiyawan
Dalangi'y katahimikan
Kay rami pang tutuklasin
At dapat nating baguhin
Ating pagtuunang-pansin
Kapaligira'y mahalin.
No comments:
Post a Comment