O! Nasaan Ka?

O! NASAAN KA ?
-Nojadia Pakan

Nasaan ka?
Nasaan ka at agad naglaho ang iyong paggiliw?
Diba't sumpa mo'y mamahalin ako?
Ang sabi mo pa'y magpahanggang libing
Subalit nasaan ang iyong pagtingin?

Nasaan ka?
Nasaan ka at natiis mong ako'y mangulila?
At hanap-hanapin ka sa mga ala-ala?
Nasaan ang sinabi mong ako'y iyong ligaya?
Ngayong nalulungkot ay hindi ka man lang makita.

Nasaan ka,ako'y tandaan
Kung ako man ang minamahal na tunay
Mga sumpa't lambing na ipinaramdam mong buo sa akin
Ang lahat sa buhay ko ay hindi maglalaho
Magsisilbing bakas ng nagdaang taong pagsuyo.

Tandaan mo! Tandaan mo!
Ang lahat sa buhay ko ay hindi maglalaho't
Magsisilbing lakas ng nagdaang taong pagsuyo
Nasaan ka?
O! nasaan ka?